09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Սերբիայում կորոնավիրուսի դեմ պատվաստումից առաջացած կողմնակի ազդեցությունների կեսից ավելին բաժին է ընկել Pfizer/BioNTech-ին
Քաղաքականություն
29.01.2021 | 21:00
Սերբիայում կորոնավիրուսի դեմ պատվաստումների կիրառման հետևանքով առաջացած կողմնակի ազդեցություններ ամենաշատը գրանցվել է Pfizer/BioNTech գերմանաամերիկյան ընկերության պատվաստանյութից։ Այս մասին, ՌԻԱ Նովոստիի փոխանցմամբ, հայտնել է Դեղորայքների ու բժշկական միջոցների հարցերով գործակալության ղեկավար Պավլե Զելիչը։
Պետական կարգավորման մարմնի վերջին տվյալների համաձայն՝ Սերբիայում պատվաստվել է ավելի քան 400 հազար մարդ։ «Այս պահի դրությամբ գրանցվել է անցանկալի 62 ազդեցություն։ Այս թվից 35-ը բաժին է ընկնում Pfizer պատվաստանյութին, 26-ը՝ Sinopharm-ին, և միայն 1-ը՝ «Արբանյակ V»-ին»,- հայտարարել է Զելիչը ազգային հեռուստաընկերության եթերից։
Նա հավելել է, որ խոսքը հիմնականում գնում է պատվաստման մասում ցավի, այտուցի ու կարմրության մասին։
Տաթև Ֆռանգյան
