09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Վահան Բադասյանին կալանավորելու միջնորդություն է ներկայացվել դատարան
Հասարակություն
29.01.2021 | 11:46
Մարտական խաչի ասպետ, Արցախի «Միացյալ Հայաստան» կուսակցության նախագահ Վահան Բադասյանին մեղադրանք է առաջադրվել Քրեական օրենսգրքի 301-րդ հոդվածով՝ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերը։
Նրան կալանավորելու միջնորդություն է ներկայացվել դատարան։
Արցախյան առաջին պատերազմի մասնակից Վահան Բադասյանը 44-օրյա պատերազմի առաջին օրվանից մինչև ծանր վիրավորվելը՝ հոկտեմբերի 5-ը, հարավային առաջնագծում էր՝ Քենդ Հորադիս հատվածում։
Երեկ Եռաբլուրում նա լրագրողների հետ զրույցում ասել էր, թե Նիկոլ Փաշինյանին պետք է հեռացնել․ ««Այսինքն՝ դա ենթադրում է, որ թշնամուն մենք պետք է վերացնենք… այո՛, նաև զենքի միջոցով… այո՛, ես սպառնալիքի կոչեր եմ անում և գիտակցաբար եմ անում, թող ԱԱԾ-ն ինձ ձերբակալի»։
Երեկ կեսօրից հետո Բադասյանը բերման էր ենթարկվել։
