01.11.2026 | 10:44
Արտարժույթների փոխարժեքները՝ նոյեմբերի 1-ի դրությամբ
Բայդենը չի թաքցրել իր մտահոգությունները․ նոր մանրամասներ Պուտին-Բայդեն հեռախոսազրույցի մասին
Քաղաքականություն
29.01.2021 | 12:50
Հինգշաբթի երեկոյան նոր մանրամասներ են հայտնի դարձել ԱՄՆ նախագահ Ջո Բայդենի ու ՌԴ առաջնորդ Վլադիմիր Պուտինի միջև տեղի ունեցած առաջին հեռախոսազրույցի վերաբերյալ։ Կրեմլն ու Սպիտակ տունը դրա բովանդակության մասին չափազանց տարբեր տեղեկություններ են հայտնել։ Եթե ռուսական կողմը պատմել է «գործնական ու անկեղծ բնույթի» զրույցի մասին, ապա ամերիկյան կողմը հայտնել է սուր հարցերի, այդ թվում և Նավալնիի թունավորման ու Ուկրաինայի ինքնիշխանությանն առնչվող հարցերի քննարկմանն մասին, գրում է BBC News-ի ռուսական ծառայությունը։
Սպիտակ տան մամլո քարտուղար Փսակին հայտարարել է, որ Բայդենը «չի զսպել իրեն, երբ իր մտահոգությունն է հայտնել Ալեքսեյ Նավալնիի և ցուցարարների նկատմամբ վերաբերմունքի մասին»: «Ցանկանում եմ ասել, որ Բայդենն այդ հեռախոսազրույցի ժամանակ ուներ հստակ նպատակներ, որոնց նա ցանկանում էր հասնել։ Նա երբեք զուսպ չի եղել նախագահ Պուտինի կամ ռուսական կառավարության գործողությունների վերաբերյալ իր մտահոգություննների հարցում»,- ասել է Փսակին։
Այնուամենայնիվ, չնայած զգայուն թեմաների քննարկմանը, Բայդենն ու Պուտինը զրույցի ընթացքում համաձայնություն են ձեռք բերել Ռազմավարական հարձակողական զենքի սահմանափակման մասին պայմանագրի (СНВ-III) երկարացման վերաբերյալ՝ մինչև 2026 թվականի փետրվարի 5-ը։
