12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
ԱՄՆ-ը կոչ է արել Ռուսաստանին ու Թուրքիային իրենց զորքերը դուրս բերել Լիբիայից
Քաղաքականություն
29.01.2021 | 11:57
ԱՄՆ-ը կոչ է արել Լիբիայից անհապաղ դուրս հանել ՌԴ ու Թուրքիայի զորքերը, այն բանից հետո, ինչ նրանք արհամարհել են հեռանալու համար իրենց հատկացված վերջնաժամկետը։
Անցյալ տարվա հոկտեմբեր ամսին ԱՄՆ աջակցությամբ ստորագրված հրադադարի համաձայն՝ օտարերկրյա զորքերն ու վարձկանները պետք է դուրս բերվեին Լիբիայից 3 ամսվա ընթացքում։ Վերջնաժամկետը լրացել է շաբաթ օրը, սակայն այս ուղղությամբ ոչ մի քայլի մասին չի հայտարարվել:
«Մենք կոչ ենք անում բոլոր արտաքին կողմերին, այդ թվում նաև Ռուսաստանին, Թուրքիային ու ԱՄԷ-ին, հարգել Լիբիայի ինքնիշխանությունն ու անմիջապես դադարեցնել Լիբիա բոլոր ռազմական ներխուժումները», – այս մասին Լիբիայի հարցերով ՄԱԿ-ին անվտանգության խորհրդի նիստի ժամանակ հայտարարել է ԱՄՆ գործող դեսպան Ռիչարդ Միլսը:
«Համաձայն հոկտեմբեր ամսին կնքված հրադադարի՝ մենք կոչ ենք արել Թուրքիային ու Ռուսաստանին անմիջապես քայլեր ձեռնարկել երկրից իրենց ուժերի դուրսբերման ու օտարերկրյա վարձկանների ու զինված վստահված անձանց հեռացնելու ուղղությամբ»,- ասել է Միլսը։
Հայտարարությունն արվել է Բեռլինի գագաթնաժողովից մեկ տարի անց, երբ հավաքվել էին Լիբիայում հիմնական պատերազմող խմբավորումների կողմնակիցներն ու աշխարհի առաջնորդները՝ խոստանալով դադարեցնել օտարերկրյա միջամտությունները և աշխատել կայուն հրադադարի ուղղությամբ:
Տաթև Ֆռանգյան
