01.03.2026 | 19:26
Իրանական անօդաչու թռչող սարքերը հարվածել են Ֆրանսիայի ռազմական բազային Աբու Դաբիում
Ռուսաստանը կատարելագործում է ԵՏՄ անդամ երկրներից ներգաղթյալների նույնականացման կանոնները․ Միշուստին
Քաղաքականություն
28.01.2021 | 15:30
Ռուսաստանը կատարելագործում է ԵՏՄ անդամ երկրներից ներգաղթյալների նույնականացման կանոնները։ Այս մասին, ՌԻԱ Նովոստիի փոխանցմամբ՝ հայտարարել է ՌԴ վարչապետ Միխայիլ Միշուստինը։
«Կկատարելագործվի ներգաղթյալների նույնականացման համակարգը, որոնց մուտքի համար չի պահանջվի վիզաների ձևակերպում։ Եվ բոլոր նրանք, ովքեր նախատեսում են Ռուսաստանում մնալ ավելի քան 3 ամիս, պետք է պարտադիր անցնեն բժշկական զննություն, այսօր դա անհրաժեշտ պայման է՝ հաշվի առնելով կորոնավիրուսի ու այլ վտանգավոր ինֆեկցիաների տարածումը»,- ասել է նա։
Միշուստինը պարզաբանել է, որ անցյալ տարի ՌԴ տարածքում է գտնվել ավելի քան 2,5 միլիոն ԵՏՄ քաղաքացի։
Հիշեցնենք՝ ԵՏՄ անդամ պետություններն են Ռուսաստանը, Հայաստանը, Բելառուսը, Ղազախստանն ու Ղրղզստանը։
Տաթև Ֆռանգյան
