19.01.2026 | 15:35
Զինծառայությունից խուսափած 27-37 տարեկան քաղաքացիները կարող են ազատվել քրեական պատասխանատվությունից․ ՏԵՍԱՆՅՈՒԹ
Կլիմայի օր Սպիտակ տանը․ Բայդենը նոր հրամանագրեր է ստորագրել
Քաղաքականություն
28.01.2021 | 12:12
ԱՄՆ նախագահ Ջո Բայդենը մի քանի հրաման է ստորագրել կլիմայի փոփոխության դեմ պայքարի վերաբերյալ, ի թիվս այլ պարտավորությունների, դրանք ենթադրում են, որ ԱՄՆ կառավարությունը կդադարեցնի դաշնային հողի վրա նոր նավթագազային հորատանցքերի արտոնագրերի տրամադրումը, գրում է BBC news-ի ռուսական ծառայությունը:
«Այսօր Սպիտակ տանը կլիմայական օր է, – հրամանագրերի ստորագրման ժամանակ լրագրողներին ասել է Բայդենը: – Այս հարցի լուծումն արդեն բավականին ձգվել է, այլևս չենք կարող սպասել»:
Բայդենը նշել է, որ ԱՄՆ-ը պետք է դառնա աշխարհի առաջատարը կլիմայի փոփոխության ճգնաժամի դեմ պայքարում:
Համաձայն Սպիտակ տան հայտարարության՝ դաշնային հողի վրա նավթի և գազի հորատանցքերի հորատման նոր արտոնագրերի տրամադրումը հնարավորինս կսառեցվի, իսկ արդեն տրված թույլտվությունները կվերանայվեն:
Այսպիսով, Բայդենը սկսում է ամերիկյան նավթագազային արդյունաբերության դեմ գրոհը, որի համար դաշնային հողի վրա հորատումները աշխատանքի ամենակարևոր մասն է: Ըստ Նավթի ամերիկյան ինստիտուտի (API)՝ ամերիկյան նավթագազային արդյունաբերությանը բաժին է ընկնում նավթի ընդհանուր արդյունահանման 22% , իսկ գազի՝ 12% -ը: Միևնույն ժամանակ, ըստ New York Times- ի, ամերիկյան պետական հողերում օրգանական վառելիքի արդյունահանման մասնաբաժինը ԱՄՆ-ի ածխաթթու գազի արտանետումներում կազմում է գրեթե 25%:
Տաթև Ֆռանգյան
