01.04.2026 | 19:48
Փաշինյանը՝ Պուտինին․ «ՌԴ անձնագրով քաղաքացիները չեն կարող լինել վարչապետի թեկնածու». ՏԵՍԱՆՅՈՒԹ
Ժապարովը պաշտոնապես ստանձնեց Ղրղզստանի ղեկավարի պաշտոնը
Քաղաքականություն
28.01.2021 | 11:57
Սադիր Ժապարովը պաշտոնապես ստանձնել է Ղրղզստանի ղեկավարի պաշտոնը, փոխանցում է ՌԻԱ Նովոստի-ն։ Երդմնակալության արարողությանը նա խոստացել է աշխատել հանուն ժողովրդի բարօրության, ապա համբուրել է երկրի դրոշը:
Հանրապետության կենտրոնական ընտրական հանձնաժողովի ղեկավար Նուրժան Շայլդաբեկովան Ժապարովին է հանձնել պետական խորհրդանիշները ՝ կրծքազարդը և նախագահական շտանդարտը:
Ղրղզստանում արտահերթ նախագահական ընտրություններն անցկացվել էին հունվարի 10-ին: Մասնակցության ցուցանիշը ցածր է եղել. ընտրողների ընդհանուր թվի 40% -ից պակաս մարդիկ են գնացել ընտրատեղամասեր: Դրանցից 79,2% -ը քվեարկել է Ժապարովի օգտին:
Հենց այդ նույն օրը կայացել է նաև երկրի կառավարման ձևի վերաբերյալ հանրաքվե։ Նախագահական համակարգի ամրապնդման օգտին քվեարկել է 1,1 միլիոն քաղաքացի, իսկ խորհրդարանական հանարպետության օգտին՝ 152 հազար, 62 հազար մարդ դեմ է հանդես եկել ղեկավարման բոլոր ձևերին։
Տաթև Ֆռանգյան
