09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Միջազգային հանրությունը պետք է մարդասիրական օգնություն ցուցաբերի Լեռնային Ղարաբաղին․ Պուտին
Քաղաքականություն
27.01.2021 | 17:44
Միջազգային հանրությունը պետք է մարդասիրական օգնություն ցուցաբերի Լեռնային Ղարաբաղին, հայտարարել է ՌԴ նախագահ Վլադիմիր Պուտինը։
«Միջազգային հանրության և, անկասկած, հակամարտության լուծմանը մասնակցող երկրների առաջ ծառացել է տուժած տարածքներին օգնություն ցուցաբերելու , փախստականների վերադարձի հետ կապված հումանիտար խնդիրները լուծելու, ավերված ենթակառուցվածքների վերականգնման, պաշտպանության և պատմական, կրոնական և մշակութային հուշարձանների վերականգնման խնդիրները», – հայտարարել է Պուտինը Դավոսի Համաշխարհային տնտեսական ֆորումում, որն այս տարի տեղի է ունենում առցանց:
Նրա խոսքով՝ Ռուսաստանի կողմից ակտիվ միջնորդական քայլեր են ձեռնարկվել Լեռնային Ղարաբաղում զինված հակամարտության դադարեցման համար։
«Մենք փորձել ենք հետևել ԵԱՀԿ Մինսկի խմբի շրջանակներում նրա համանախագահների` Ռուսաստանի, ԱՄՆ-ի և Ֆրանսիայի միջև ձեռք բերված պայմանավորվածություններին», – ասել է ՌԴ նախագահը` ավելացնելով, որ սա «համագործակցության լավ օրինակ է»:
Տաթև Ֆռանգյան
