03.11.2026 | 10:12
Ծաղկաձորում 1,35 հա հողամասի առուվաճառքն անվավեր է ճանաչվել․ համայնքին կվերադարձվի 127,5 մլն դրամ
Վրաստանը հույս ունի մոտ ժամանակում բացել ՌԴ հետ ցամաքային սահմանը
Քաղաքականություն
27.01.2021 | 17:58
Վրաստանի իշխանությունները հույս ունեն մոտ ժամանակում բարձրացնել Ռուսաստանի հետ ցամաքային սահմանի բացման հարցը, եթե կորոնավիրուսի հետ կապված համաճարակաբանական իրավիճակը թույլ տա։ Այս մասին ՏԱՍՍ-ին հայտնել է Ռուսաստանի հետ հարաբերությունների կարգավորման հարցերով Վրաստանի վարչապետի հատուկ ներկայացուցիչ Զուրաբ Աբաշիձեն
«Գիտեք, Ռուսաստանի հետ սահմանի բացումը կախված է համաճարակաբանական իրավիճակից: Սա է ամբողջ խնդիրը: Հուսով եմ, որ առաջիկայում կորոնավիրուսի հետ կապված իրավիճակը կկայունանա մեր երկրներում, և մենք կկարողանանք բարձրացնել սահմանի բացման հարցը», – ասել է Աբաշիձեն:
Վրաց դիվանագետը նաև հավելել է, որ առաջին եռամսյակում նախատեսում է առցանց հանդիպում անցկացնել Դաշնային խորհրդի անդամ Գրիգորի Կարասինի հետ ՝ չբացառելով, որ կքննարկի սահմանի բացման հնարավորությունը:
Հիշեցնենք՝ Վրաստանի և Ռուսաստանի միջև ներկայումս գործող «Կազբեկի – Վերին Լարս» սահմանային անցակետը մարդատար մեքենաների համար փակ է 2020 թվականի մարտից ՝ կորոնավիրուսային համաճարակի պատճառով:
Տաթև Ֆռանգյան
