11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Սեռական բռնություն, նվաստացումներ, ծեծ․ իրավապաշտպան կազմակերպությունները Բելառուսում խոշտանգումների մասին զեկույց են հրապարակել
Քաղաքականություն
27.01.2021 | 19:30
«Ընդդեմ խոշտանգումների» ռուսական իրավապաշտպան կազմակերպությունն ու «Խոշտանգումների դեմ համաշխարհային կազմակերպությունը» զեկույց են հրապարակել Բելառուսում ոստիկանների կողմից բռնությունների ու երկրի իշխանությունների անգործության մասին, որոնք չեն զբաղվում հարյուրավոր բողոքների քննմամբ, գրում է DW-ի ռուսական ծառայությունը։
«Փաստաթղթում մանրամասն նկարագրված է 13 քաղաքացիների գործերը, որոնք, ինչպես և հարյուրավոր այլ մարդիկ, տուժել են իշխանությունների կողմից բանեցված բռնության պատճառով՝ 2020 թվականի օգոստոսի 9-ից 13 ընկած ժամանակահատվածում»,- հայտնել են իրավապաշտպանները։
Նրանցից գրեթե բոլորն անցորդներ են եղել, որոնք չեն մասնակցել նախագահական ընտրություններից հետո բողոքի ցույցերին։ Կազմակերպության տվյալների համաձայն՝ տուժածների մեծ մասը ստիպված է եղել անցնել, այսպես կոչված, «միջանցքով», երբ իրավապահ մարմինների աշխատակիցները երկու շարքով կանգնել են, նրանց մեջտեղով անցնող ձերբակալվածներին մահակներով հարվածներ հասցնելու համար, ինչի հետևանքով նրանցից մեկի թմկաթաղանթը պատռվել է, մի քանիսը կոտրվածքներ են ստացել։
Բացի այդ, իրավապաշտպանները մատնանշում են անվտանգության ուժերի կողմից իրականացված այլ խոշտանգումների մասին, մասնավորապես `սեռական բռնություն, սեռական բռնության մասին սպառնալիքները, նվաստացումը, անբնական դիրքերով երկար ժամեր մնալը և գերբնակեցված խցերում առանց ջրի և սննդի պահելը:
Տաթև Ֆռանգյան
