16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Իմաստ չունի սպասել, թե Թուրքիան դրական կտրամադրվի Հայաստանի նկատմամբ․ թուրքագետը՝ հայ-թուրքական հարաբերությունների մասին
Քաղաքականություն
27.01.2021 | 14:14
Եթե Հայաստանը չենթարկվի Թուրքիայի կողմից առաջադրված պահանջներին, Անկարան Երևանի հետ հարաբերությունները կարգավորելու ուղղությամբ որևէ դրական քայլ չի անելու։ Այս մասին այսօր հրավիրված ասուլիսում նշեց թուրքագետ Ռուբեն Սաֆրաստյանը։ Ըստ այդմ՝ իմաստ չունի սպասել, թե Թուրքիան դրական կտրամադրվի Հայաստանի նկատմամբ։
«Թուրքիան փորձում է Ռուսաստանից պոկել Հարավային Կովկասը։ Թուրքիան օգտվելու է Հայաստանի ծանր վիճակից՝ Երևանի վրա ճնշումը մեծացնելու և զիջումներ ստանալու համար։ Այս ճնշման կարևոր գործիքը լինելու են զորավարժությունները, որ անցկացվելու են Թուրքիայում և Ադրբեջանում՝ Հայաստանի սահմանների մոտ։ Այդ զորավարժությունները, սակայն, նաև Ռուսաստանի դեմ են ուղղված, քանի որ Թուրքիան շարունակելու է փորձերը՝ Ռուսաստանին դուրս մղելու տարածաշրջանից»,- նշեց նա։
Ինչ վերաբերում է Արցախյան երկրորդ պատերազմին Թուրքիայի մասնակցությանը, ըստ թուրքագետի՝ Անկարան այստեղ ևս լուծում էր իր համար աշխարհաքաղաքական խնդիր։ Նպատակը ոչ միայն Արցախը, այլև հատկապես Հայաստանը թուլացնելն էր ու Հարավային Կովկասն իր ազդեցության գոտի դարձնելը։
2021 թվականին, նրա խոսքով, Թուրքիան շարունակելու է իր ծավալապաշտական նկրտումներն այս տարածաշրջանում։ Դրա գործիքներից մեկը լինելու է, այսպես կոչված, «վեցի պլատֆորմը», որում պետք է ներառվեն Հայաստանը, Ադրբեջանը, Վրաստանը, ինչպես նաև Թուրքիան, Ռուսաստանը և Իրանը։
