11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Վիտալի Միլոնովի հայտարարությունից հետո Բաքվում ՌԴ հավատարմատարը կանչվել է ԱԳՆ
Քաղաքականություն
27.01.2021 | 11:30
Բաքվում Ռուսաստանի գործերի ժամանակավոր հավատարմատարը կանչվել է Ադրբեջանի արտգործնախարարություն ՝ Պետդումայի պատգամավոր Վիտալի Միլոնովի՝ Ադրբեջանի մասին հայտարարությունների կապակցությամբ: Այս մասին հայտնել են Ադրբեջանի ԱԳՆ մամուլի ծառայությունից, գրում է ՏԱՍՍ-ը:
«Ժամանակավոր հավատարմատարի հետ հանդիպման ժամանակ բարձրացվել է ՌԴ իշխող «Միասնական Ռուսաստան» կուսակցության անդամ Վիտալի Միլոնովի՝ հայկական ԶԼՄ-ներին տված հարցազրույցի ժամանակ Ադրբեջանի Հանրապետության ու ժողովրդի հասցեին անընդունելի արտահայտությունների հետ կապված, վճռականորեն քննադատվել է Պետդումայի անդամի նման վարքագիծը»,- ասված է ադրբեջանական ԱԳՆ-ի հայտարարության մեջ։
Ըստ ադրբեջանական կողմի՝ Միլոնովի «հերթական սադրիչ քայլն ընդդեմ Ադրբեջանի բացարձակապես հակասում է երկու պետությունների միջև բարձր մակարդակի վրա գտնվող հարաբերություններին»։
Հիշեցնենք՝ անցած տարվա հոկտեմբեր ամսին Ադրբեջանի ԱԳՆ-ն Վիտալի Միլոնովին ներառել էր անցանկալի մարդկանց ցուցակում ՝ Լեռնային Ղարաբաղ այցելելու համար։
Տաթև Ֆռանգյան
