18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Մոսկվան շահագրգռված է խորացնել Իրանի հետ երկխոսությունը ԼՂ իրավիճակի շուրջ․ Զարիֆը Երևան կգա
Քաղաքականություն
26.01.2021 | 15:51
Մոսկվան և Թեհրանը նշել են իրենց փոխադարձ շահագրգռվածությունը `խորացնելու երկխոսությունը տարածաշրջանային մի շարք հարցերի շուրջ, այդ թվում նաև` Լեռնային Ղարաբաղի: Այս մասին երեքշաբթի օրը հայտարարել է Ռուսաստանի արտգործնախարար Սերգեյ Լավրովը ՝ Իրանի Իսլամական Հանրապետության արտգործնախարար Մոհամադ Ջավադ Զարիֆի հետ բանակցությունները սկսելով, փոխանցում է ՏԱՍՍ-ը:
«Հաշվի առնելով տարածաշրջանում մեր երկրների դերը` մենք շահագրգռված ենք խորացնել երկխոսությունը այնպիսի հարցերի շուրջ, ինչպիսիք են Պարսից ծոցում անվտանգությունը, Աֆղանստանի կարգավորման խնդիրները և, իհարկե, կարող ենք քննարկել Ռուսաստանի , Հայաստանի ու Ադրբեջանի ղեկավարների՝ Լեռնային Ղարաբաղի հարցի շուրջ համաձայնությունից հետո ստեղծված իրավիճակը», – ասել է ՌԴ արտգործնախարարը:
ԻԻՀ արտաքին գործերի նախարար Մոհամմադ Ջավադ Զարիֆը իր հերթին հայտարարել է, որ Ադրբեջան և Հայաստան տարածաշրջանային այց է կատարում, որպեսզի աշխատանքներ տարվեն այն հնարավորությունների շուրջ, որոնք առկա են Հայաստանի, Ադրբեջանի և Ռուսաստանի միջև եռակողմ հայտարարության մեջ:
Հավելենք, որ հունվարի 25-ին ԻԻՀ արտաքին գործերի նախարար Մոհամադ Ջավադ Զարիֆը այցելել է Ադրբեջան, իսկ հունվարի 27-ին կժամանի Հայաստան:
