01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
ԵԽԽՎ-ն ՀՀ-ին ու Ադրբեջանին կոչ է արել անհապաղ անցնել ռազմագերիների փոխանակմանը
Քաղաքականություն
26.01.2021 | 12:55
Ադրբեջանն ու Հայաստանը պետք է ձեռնպահ մնան քաղաքական երկխոսությանը խանգարող հռետորաբանությունից և հնարավորինս շուտ իրականացնեն ԼՂ շուրջ ձեռք բերված եռակողմ համաձայնագրի դրույթները։ Այս մասին ասվում է Եվրոպայի խորհրդի խորհրդարանական վեհաժողովի (ԵԽԽՎ) ընդունած բանաձևում՝ հիմնված 2020թ. մոնիթորինգային կոմիտեի զեկույցի վրա, գրում է ТАСС-ը:
Վեհաժողովն ընդգծել է «ՌԴ դերակատարությունը ղարաբաղյան հակամարտության կարգավորման հարցում» ու կոչ է արել Երևանին ու Բաքվին «հնարավորինս արագ իրականացնել 2020 թվականի նոյեմբերի 9-ի եռակողմ հայտարարության դրույթները, որոնք վերաբերում են մարդասիրական խնդիրներին»։
ԵԽԽՎ-ն նաև առաջարկել է «անհապաղ անցնել ռազմագերիների փոխանակմանը, հարգել մշակութային ժառանգությունը, զերծ մնալ այնպիսի հռետորաբանությունից, որը կխանգարի քաղաքական երկխոսությանը»:
ԵԽԽՎ-ն նաև «խորը մտահոգություն է հայտնել մարդասիրական իրավունքի նորմերի և մարդու իրավունքների խախտումների մասին հաղորդագրությունների», ինչպես նաև «կրոնական օբյեկտներին, հուշարձաններին, մասնավոր սեփականությանը հասցված վնասի մասին տեղեկությունների վերաբերյալ»: ԵԽԽՎ-ում ակնկալում են, որ այս բոլոր դեպքերն ամբողջությամբ կհետաքննվեն։
«Ցանկացած խախտումներ պետք է վերացվեն, իսկ մեղավորները ենթարկվեն պատասխանատվության»,- ասված է բանաձևում։Տաթև Ֆռանգյան
