11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Կորոնավիրուս Տաջիկստանում չկա, այն ամբողջությամբ վերացվել է․ Ռահմոն
Քաղաքականություն
26.01.2021 | 13:16
Տաջիկստանին հաջողվել է հաղթահարել կորոնավիրուսը։ Այս մասին հայտարարել է երկրի նախագահ Էմոմալի Ռահմոնը՝ խորհրդարանին ուղղված իր ուղերձում, հայտնում է Sputnik-ի տաջիկական ծառայությունը։
«Կորոնավիրուս Տաջիկստանում այժմ չկա, այն ամբողջությամբ վերացվել է»,- ասել է Ռահմոնը։
Միևնույն ժամանակ երկրի ղեկավարն ընդգծել է, որ բնակիչները պետք է հետևեն անվտանգության բոլոր կանոններին։ Մասնավորապես կարևոր է խստորեն հետևել մզկիթներ այցելելու կանոններին, որոնք սահմանել է հանրապետական շտաբը։ «Չնայած դրան, մենք չպետք է թուլանանք և մոռանանք անձնական և հասարակական հիգիենայի կանոնների մասին», – ավելացրել է նա:
Ըստ Տաջիկստանի Առողջապահության նախարարության հունվարի 26-ի տվյալների՝ համաճարակի ընթացքում կորոնավիրուս է հայտնաբերվել Տաջիկստանի 13.308 քաղաքացու մոտ: 90 հիվանդ մահացել է վարակից: Բժիշկներին հաջողվել է բուժել 13․218 մարդու:
Սրա հետ մեկտեղ, հիվանդության դեպքեր հանրապետությունում չեն գրանցվել 2020 թվականի դեկտեմբերի 30-ից:
Տաթև Ֆռանգյան
