11.10.2026 | 19:47
Կապանում ավտոմեքենան ընկել է Ողջի գետը
«Թալիբան» շարժման ներկայացուցիչներն Իրանի հրավերով Թեհրանում են
Քաղաքականություն
26.01.2021 | 12:32
«Թալիբան» շարժման քաղաքական պատվիրակությունը՝ Աբդուլ Ղանի Բարադարի ղեկավարությամբ այսօր առավոտյան ժամանել է Թեհրան։ Այս մասին, Irna գործակալության փոխանցմամբ՝ հայտնել են Իրանի ԱԳՆ պաշտոնական ներկայացուցիչ Սաիդ Խաթիբզադեն։ Վերջինս նշել է, որ պատվիրակությունը Իրանի իշխանությունների հետ քննարկելու է Աֆղանստանում խաղաղության գործընթացը։
«Նրանք կքննարկեն Աֆղանստանում խաղաղության գործընթացն ու դրան առնչվող հարցեր»,- ավելացրել է Խաթիբզադեն։
Խաթիբզադեն շեշտել է, որ «Թալիբների» պատվիրակության այցը Իրանի արտգործնախարարության հրավերով է կայացել։ Վերջինս ավելացրել է, որ Թեհրանում գտնվելու ընթացքում շարժման ներկայացուցիչնրը կհանդիպեն Իրանի արտգործնախարար Մոհամադ Ջավադ Զարիֆի ու Աֆղանստանի հարցերով Իրանի պաշտոնական ներկայացուցչի հետ։
Տաթև Ֆռանգյան
