02.11.2026 | 12:18
Մեկնարկել է Հայաստան-Կիպրոս հանդիպման տոմսերի վաճառքը
Թրամփի իմփիչմենթի մասին բանաձևը հանձնվել է Սենատին
Քաղաքականություն
26.01.2021 | 11:29
ԱՄՆ ստորին պալատի ներկայացուցիչները երկուշաբթի երեկոյան Սենատին են փոխանցել երկրի արդեն նախկին նախագահ Դոնալդ Թրամփի իմփիչմենթի մասին բանաձևը, գրում է ՏԱՍՍ-ը։
Իրավիճակի աննախադեպությունն այն է, որ երկրի պատմության մեջ առաջին անգամ երկրի իշխանությունից 2-րդ անգամ իմփիչմենթի է ենթարկվում միևնույն նախագահը, ընդ որում՝ այս պահի դրությամբ արդեն իսկ իր լիազորությունները թողած նախագահ։ Բանաձևում միայն մեկ մեղադրանք կա՝ խռովության հրահրում։
«Մեղադրող կողմերը Ներկայացուցիչների պալատի անունից այստեղ են և պատրաստ են ներկայացնել իմփիչմենթի հոդվածը, որը Ներկայացուցիչների պալատը առաջադրել է ընդդեմ ԱՄՆ նախկին նախագահ Դոնալդ Թրամփի», – ասել է դեմոկրատ կոնգրեսական Ջեյմի Ռասկինը (Մերիլենդ), որը այնուհետև կարդացել է բանաձևի ամբողջական տեքստը բոլոր մեղադրողների անունից։
«Սենատը պատրաստ է սկսել գործընթացը», – պատասխանել է դեմոկրատ սենատոր Պատրիկ Լին (Վերմոնտից) , որը հանդես է գալիս որպես Սենատի ժամանակավոր ղեկավար:
Տաթև Ֆռանգյան
