12.01.2025 | 15:50
Յուրաքանչյուր դատավոր պետք է գործի բացառապես օրենքի և իր խղճի թելադրանքով. ՀՀ նախագահ․ ՏԵՍԱՆՅՈՒԹ
«Փափուկ կյանք ԱՄՆ-ում». ինչու է Փաշինյանը Լիլիթ Մակունցին գործուղում Վաշինգտոն. ՏԵՍԱՆՅՈՒԹ
Քաղաքականություն
25.01.2021 | 21:13
Սակայն վաղը կամ մի քանի օրից, չի բացառվում, որ իշխող խմբակցության ղեկավար Լիլիթ Մակունցը թողնի խորհրդարանական գործունեությունն ու նշանակվի ԱՄՆ-ում Հայաստանի դեսպան: Ինքը՝ Մակունցը, հաստատել է, որ պաշտոնական Երևանի օրակարգում քննարկվում է իրեն ԱՄՆ-ում դեսպան նշանակելու հարցը, սակայն նշել է՝ վերջնական հստակեցում չկա: 37-ամյա Մակունցը բանասիրական գիտությունների թեկնածու է, եղել է Մշակույթի նախարար, իսկ պատգամավոր ընտրվելուց հետո դարձել է «Իմ քայլը» խմբակցության ղեկավար: Դիվանագիտական աշխատանքի փորձ չունի:
Լիլիթ Մակունցի՝ Միացյալ Նահանգներում դեսպան նշանակվելու լուրը Երևանում փորձագիտական շրջանակների կողմից միանշանակ չի ընդունվել: Ամերիկյան հետազոտությունների հայկական կենտրոնի ղեկավար Սուրեն Սարգսյանը կարծում է՝ Մակունցը ո՛չ փորձառու դիվանագետ է, ո՛չ քաղաքական ծանր կշիռ ունեցող գործիչ, ո՛չ էլ Ամերիկան է այնպես պատկերացնում, ինչպես անհրաժեշտ է դեսպանի պաշտոնի համար: Սարգյանը ֆեյսբուքյան գրառմամբ նշել է՝ հայ-ամերիկյան լճացած հարաբերությունների պարագայում սխալ է այս նշանակումը:
«Իմ քայլում», սակայն, այլ կարծիքի են: Պատգամավոր Արփի Դավոյանն ասում է՝ Լիլիթ Մակունցը կարող է լավ դեսպան լինել՝ օգտագործելով խորհրդանական դիվանագիտության փորձը:
Հայաստան-ԱՄՆ բարեկամական խորհրդարանական խմբի անդամ Նաիրա Զոհրաբյանը լրագրողների հետ զրույցում ասաց՝ Լիլիթ Մակունցը մշտապես եղել է ամերիկյան ազդեցության տիրույթի գործիչ և Հայաստանում Ամերիկայի դեսպանատունը նրա դեսպան նշանակվելու որոշման դեմ չի ընդվզի: ԲՀԿ-ական պատգամավորի խոսքով՝ ԵԱՀԿ Մինսկի խմբում համանախագահող երկրներից մեկում Մակունցին դեսպան նշանակելն աղետ է:
Նաիրա Զոհրաբյանը նաև կարծում է, որ Նիկոլ Փաշինյանը ցանկանում է Հայաստանից հեռացնել իր յուրայիններին, որոնք կարող են իրավական և քաղաքական պատասխանատվության ենթարկվել։
«Իմ քայլում» Նաիրա Զոհրաբյանի խոսքերը տրամաբանական չեմ համարում և մեկնաբանելու անհրաժեշտություն չեն տեսնում: Սակայն Factor TV-ի հարցին ի պատասխան՝ այստեղ հիմնավորում չներկայացրեցին, թե ինչով է պայմանավորված գործող դեսպան Վարուժան Ներսեսյանին Լիլիթ Մակունցով փոխարինելը: Արփի Դավոյանը միայն նշեց՝ գործող դեսպանից դժգոհություններ չկան: Ի դեպ՝ նրա պնդմամբ՝ խմբակցության ներսում Մակունցի նշանակման հարցը չի քննարկվել։
«Լուսավոր Հայաստանից» Գևորգ Գորգիսյանն էլ ասում է՝ ոչ մի տրամաբանություն պետք չէ փնտրել իշխանության արած որևէ քայլում: Ըստ նրա՝ եթե հստակ չի նշվում, թե Մակունցը Վաշինգտոնում ինչ խնդիր է լուծելու, ապա նրա նշանակումը ոչ այլ ինչ է, քան Փաշինյանի քաղաքական մերձավորին փափուկ պաշտոնի նշանակել:
Պաշտոնական Երևանն այսօր ամբողջ օրվա ընթացքում որևէ պարզաբանում չներկայացրեց, թե ինչով է պայմանավորված ԱՄՆ-ում ՀՀ դեսպանի փոփոխությունը: Վարչապետի մամուլի խոսնակը մեր զանգերն անպատասխան թողեց, իսկ ԱԳՆ-ից հայտնեցին՝ քանի դեռ Հանրապետության նախագահի հրամանագիրը չկա, որևէ մեկնաբանություն տալ չեն կարող: Լիլիթ Մակունցը ևս հրաժարվեց Ազգային ժողովում լրագրողների հարցերին պատասխանել: Իսկ նախագահի աշխատակազմից փոխանցեցին, որ ԱՄՆ-ում ՀՀ արտակարգ և լիազոր դեսպան Վարուժան Ներսիսյանին պաշտոնից ազատելու առաջարկություն վարչապետից դեռ չեն ստացել:
Մանրամասները՝ տեսանյութում։
Նարեկ Կիրակոսյան
