11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
ԼՂ-ում ադրբեջանցիների ու հայերի համատեղ գոյակցումն անհնար է. ԵԽԽՎ-ում Ռուբեն Ռուբինյանի ելույթին արձագանքել է Ադրբեջանի պատվիրակը
Քաղաքականություն
25.01.2021 | 19:22
Եվրոպայի խորհրդի խորհրդարանական վեհաժողովի (ԵԽԽՎ) ձմեռային նստաշրջանի լիագումար նիստի ընթացքում ԵԽԽՎ-ում հայկական պատվիրակության ղեկավար Ռուբեն Ռուբինյանը հայտարարել է, որ ԼՂ-ում պատերազմի ավարտից հետո Ադրբեջանը շարունակել է ագրեսիան ընդդեմ հայերի՝ Հադրութի շրջանում գերեվարելով հայ զինծառայողների, որոնց հրաժարվում է վերադարձնել հայրենիք՝ քրեական գործեր հարուցելով նրանց դեմ։ Այս ամենով Ռուբեն Ռուբինյանը փաստել է, որ ԼՂ-ում ադրբեջանցիների ու հայերի համատեղ գոյակցումն անհնար է, քանի որ Ադրբեջանը շարունակում է իր ցեղասպան քաղաքականությունը։
Ռուբեն Ռուբինյանը նաև տեղեկացրել է, որ Արցախի ու ՀՀ-ի դեմ մարտնչել են ոչ միայն ադրբեջանցիները, այլև Թուրքիայի կողմից վարձված և Միջին Արևելքից տարածաշրջան բերված վարձկաններն ու մասնավորապես Թուրքիան։
Ռուբեն Ռուբինյանի ելույթին հաջորդել է ադրբեջանական պատվիրակության անդամ Ռաֆայել Հուսեյնովի ելույթը, որն իր խոսքի հենց սկզբում ասել է, որ «Ադրբեջանն այլևս նույնը չէ»։ Վերջինս նաև նշել է, թե իբրև իր ելույթը պատասխան է Ռուբեն Ռուբինյանի «սուտ» հայտարարություններին, և որ Ադրբեջանը ազատել է միջազգային կառույցներին «ԼՂ հակամարտության բեռից` իր ուժերով լուծելով այն»։
Տաթև Ֆռանգյան
