01.11.2026 | 21:01
Սարգիս Ստեփանյանը՝ հինգերորդ անգամ աշխարհի չեմպիոն
Իրանի ԱԳ նախարարը Բաքվում պատրաստակամություն է հայտնել մասնակցել ԼՂ-ի՝ Ադրբեջանի վերահսկողությանն անցած տարածքների վերականգնմանը
Քաղաքականություն
25.01.2021 | 16:34
Բաքվում գտնվող Իրանի ԱԳ նախարար Մոհամմադ Ջավադ Զարիֆն այսօր հանդիպել է Ադրբեջանի նախագահ Իլհամ Ալիևին։ Զարիֆը նշել է, որ իր երկիրը պատրաստ է մասնակցել Լեռնային ղարաբաղի՝ Ադրբեջանի վերահսկողությանն անցած տարածքների վերականգման աշխատանքներին, փոխանցում են ադրբեջանական լրատվամիջոցները։
«Ձեր երկրի տարածքային ամբողջականության վերականգնումից, ինչպես նաև ադրբեջանցիների՝ սեփական հողեր վերադառնալու հնարավորություն ստեղծելուց հետո իրավիճակը կարգավորվում է, և Իրանն ուզում է դրանում օգնել։ Մենք ոչ միայն ձեր ընկերն ենք, այլև մերձավոր հարևանը և ունենք առավելություն այլ երկրների նկատմամբ՝ բնակչության վերադարձի ու տարածքների վերականգնման առումով»,- ասել է Զարիֆը։
ԻՌՆԱ գործակալության հաղորդմամբ էլ՝ Զարիֆն Ալիևի հետ հանդիպմանը շնորհավորել է Ադրբեջանի կառավարությանն ու ժողովրդին վերջին հաղթանակների կապակցությամբ ու ընդգծել երկկողմ համագործակցության ընդլայնման կարևորությունը։ Զարիֆը ողջունել է Ադրբեջանի նախագահի «Կովկասում համագործակցության վեցակողմ ձևաչափը» և հայտնել, որ Իրանը պատրաստ է օգնություն ցուցաբերել ու համագործակցել բոլոր ոլորտներում, ինչը «կնպաստի տարածաշրջանում խաղաղության ու կայունության հաստատմանը»։
Էմմա Չոբանյան
