01.11.2026 | 21:01
Սարգիս Ստեփանյանը՝ հինգերորդ անգամ աշխարհի չեմպիոն
Քաբուլում պայթեցվել է Իտալիայի դեսպանությանը պատկանող ավտոմեքենան
Քաղաքականություն
25.01.2021 | 15:27
Այսօր առավոտյան Քաբուլում ինքնաշեն պայթուցիկ սարքով պայթեցվել է Իտալիայի դեսպանությանը պատկանող զրահապատ մեքենան։ Այս մասին հայտնում է TOLO news-ը՝ հղում կատարելով իրավապահ մարմիններում սեփական աղբյուրին։
«Թիրախավորված մեքենան պատկանում է Իտալիայի դեսպանությանն ու դեսպանատուն էր տեղափոխում աֆղանացի աշխատակիցների։ Պայթյունի հետևանքով մեկ մարդ աննշան վիրավորվել է»,- ասել է աղբյուրը՝ հավելելով, որ երկրի Էկոնոմիկայի նախարարությանը պատկանող մեքենան ևս ընթացել է այդ տարածքով ու վնասվել է։
Քաբուլի ոստիկանությունից հայտնել են, որ միջադեպը գրանցվել է տեղի ժամանակով ժամը 7։30-ի սահմաններում՝ հավելելով, որ զոհեր չկան։
Դեռևս ոչ մի խմբավորում, այդ թվում նաև Թալիբանը, իր վրա չի վերցրել պայթյունի պատասխանատվությունը։
Տաթև Ֆռանգյան
