01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Չեխիայի իշխանությունները խիստ քննադատության են ենթարել ՌԴ իշխանությունների գործողությունները բողոքի ցույցերի ժամանակ
Քաղաքականություն
25.01.2021 | 13:14
Պրահան քննադատել է ՌԴ իշխանությունների գործողությունները հաջակցություն Ալեքսեյ Նավալնիի բողոքի ցույցերի ժամանակ։ Համապատասխան հայտարարություններով է հանդես եկել հանրապետության արտգործնախարար Թոմաշ Պետրժիչեկն ու փոխվարչապետ Յան Գամաչեկը:
«ՌԴ 90 քաղաքում ձերբակալվածների թիվը գնահատվում է շուրջ 3400-ի: Նրանց թվում է նաև Նավալնիի կինը: Սա անհավանական թիվ է նույնիսկ Ռուսաստանի նման մեծ երկրի համար: Քննադատում եմ կոշտ բռնության ու բռնաճնշումների կիրառումն ընդդեմ խոսքի ազատության»,- գրել է Պետրժիչեկը թվիթերի իր միկրոբլոգում։
Իր հերթին Չեխիայի փոխվարչապետը ՌԴ կառավարության գործողություններն անվանել «Ռուսաստանի Դաշնության խայտառակություն»՝ նշելով, որ այդ են վկայում սեփական քաղաքացիների արձագանքն ու ապակայունացումից ռեժիմի վախը։
«Իշխանությունների գործողությունները դաժան էին և, որքան ինձ հայտնի է, դրանք դեռևս շարունակվում են: Պետությունը, որը չի վախենում սեփական քաղաքացիներից, իրեն այդպես չի պահում», – ասել է նա ՝ զուգահեռ անցկացնելով Ռուսաստանում և Բելառուսում տիրող իրավիճակների միջև:
