01.11.2026 | 11:33
Ուկրաինայում պատերազմը տեղափոխվել է նաև ստորգետնյա գազատարներ․ զինվորականները մարտեր են վարում խողովակաշարերում․ ԼՈՒՍԱՆԿԱՐՆԵՐ
Ֆրանսիայում կորոնավիրուսի դեմ պատվաստվելուց հետո 9 տարեց է մահացել
Քաղաքականություն
22.01.2021 | 17:08
Ֆրանսիայում Pfizer և BioNTech ընկերությունների պատվաստանյութով պատվաստվելուց հետո գրանցվել է 135 կողմնակի ազդեցություն, 9 տարեց պատվաստումից հետո մահացել է, սակայն պատվաստման ու մահացու ելքի միջև կապ չի գտնվել, հայտնել է Դեղորայքների անվտանգության ազգային գործակալությունը:
Նշվում է, որ 135 անցանկալի կողմնակի ազդեցությունների մեծ մասը կապված է «սպասելի կամ ոչ լուրջ հետևանքների հետ»։
Մասնավորապես, պատվաստվածների մոտ նկատվել է բարձր ջերմություն, գլխացավ ու սրտխառնոց։ Ընդհանուր առմամբ, գրանցվել է լուրջ կողմնակի ազդեցության 31 դեպք: Այս հաղորդումները կուսումնասիրվեն հավելյալ, վստահեցրել են գերատեսչությունից։
Գերատեսչությունից նաև նշել են, որ ոչ մի հայտարարություն չեն ստացել Moderna պատվաստանյութից կողմնակի ազդեցությունների մասին։ Հիշեցնենք, որ Moderna ընկերության համահիմնադիր է հանդիսանում հայազգի գործարար ու բարերար Նուբար Աֆեյանը։
Ֆրանսիայում կորոնավիրուսի դեմ պատվաստումները մեկնարկել են դեկտեմբերի 27-ին։ Երկրի առողջապահության նախարարության վերջին տվյալների համաձայն՝ արդեն պատվաստվել է 823 հազար մարդ։ Երկրում հայտնաբերվել է COVID-19-ի շուրջ 3 միլիոն դեպք, մահացել է 72 հազար մարդ։
Տաթև Ֆռանգյան
