11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
ՌԴ-ում ընդդիմության բողոքի ցույցերի նախաշեմին ձերբակալել են Նավալնիի կողմնակիցներին․ BBC
Քաղաքականություն
22.01.2021 | 15:39
Ռուս ընդդիմադիր գործիչ Ալեքսեյ Նավալնիի կողմնակիցները կոչ են արել երկրի բնակիչներին հունվարի 23-ին դուրս գալ փողոց ու մասնակցել բողոքի ակցիային, սակայն երկրի իշխանությունները զգուշացրել են, որ միջոցառումը թույլատրված չէ ու քաղաքացիներին նախազգուշացրել են, գրում է BBC-ի ռուսական ծառայությունը։
Գերմանիայից Ռուսաստան ժամանելուց անմիջապես հետո ձերբակալվել է Նավալնին, իսկ հիշգշաբթի օրը ձերբակալվել է Նավալնիի մամուլի քարտուղար Կիռա Յարմիշն ու «Կոռուպցիայի դեմ պայքարի հիմնադրամի» հետաքննիչ Գեորգի Ալբուրովը։ Նրանք գիշերն անցկացրել են ոստիկանությունում։
Նախօրեին ձերբակալվել են նաև Լյուբով Սոբոլն ու «Կոռուպցիայի դեմ պայքարի հիմնադրամի» փաստաբան Վլադլեն Լոսը։ Տեղեկացվում է, որ Սոբոլին ձերբակալել են չարտոնված ցույցին մասնակցելու կոչեր հնչեցնելու համար։ Իսկ Բելառուսի քաղաքացի Լոսը պատմել է, որ իրեն իրազեկել են, որ վերջինս պետք է լքի Ռուսաստանը մինչ հունվարի 25-ը և նրա մուտքը ՌԴ արգելվել է մինչ 2023 թվականի նոյեմբերի 27-ը։
Բացի այդ, տասնյակ մարդիկ, այդ թվում նաև ակտիվիստներ ու լրագրողներ, հայտնել են, որ իրենց են այցելել ոստիկաններ ու օրենքը խախտելու անթույլատրելիության վերաբերյալ նախազգուշացում հանձնել։
