17.09.2026 | 18:59
Թուրք ընդդիմադիր պատգամավորը Հայաստան-Թուրքիա սահման է այցելել և կոչ է արել բացել այն
Ալեքսեյ Նավալնիին կարող են բանտարկել 10 տարով․ Bloomberg
Քաղաքականություն
22.01.2021 | 14:32
Ռուս պաշտոնյաները համոզված էին, որ ընդդիմադիր առաջնորդ Ալեքսեյ Նավալնին Գերմանիայից հետ չի վերադառնա։ Նրանք նախազգուշացրել էին, որ վերադառնալուն պես նա կձերբակալվի և նրան նոր մեղադրանքներ կառաջադրվեն․ աջակիցների նվիրատվությունների գողությունից մինջև ԱՄՆ իշխանությունների համար աշխատելու համար մեղադրանքները, գրում է Bloomberg-ը։ Անգամ Կրեմլի քննադատերն էին զգուշացնում 44-ամյա Նավալնիին, որ չափազանց վտանգավոր է Բեռլինից վերադառնալը, որտեղ վերջինս բուժում էր ստանում մահափորձից հետո, որի համար արևմտյան երկրները մեղադրում են նախագահ Վլադիմիր Պուտինին։
Սական, գրում է հրատարակչությունը, Նավալնին, արհամարհելով այդ խորհուրդները, համոզված է, որ կարող է քաղաքական ուժ մնալ միայն երկրի ներսում։
Bloomberg-ը, հղում կատարելով Կրեմլին մոտ կանգնած իր աղբյուրներին, հայտնում է, որ այժմ Ալեքսեյ Նավալնիին սպառնում է երկար տարիների բանտարկություն։
Ըստ այդ տվյաների՝ փետրվարի 2-ի դատական նիստին «Իվ Ռոշեի» գործով Նավալնիի պայմանական ազատազրկումը կարող է փոխարինվել 3,5 տարվա իրական ազատազրկման։ Բացի այդ, ընդդեմ ընդդիմադրի դեկտեմբերի 29-ին հարուցվել է ևս մեկ քրեական գործ Կոռուպցիայի դեմ պայքարի իր անձնական հիմնադրամում նվիրատվությունների մեքենայությունների հետ կապված, որով նրան սպառնում է մինչև 10 տարվա ազատազրկում։
Ըստ Bloomberg-ի՝ Կրեմլում կարծում են, որ Նավալնին գործում է արևմտյան երկրների հրահանգով։ Բացի այդ, ՌԴ իշխանությունները վախենում են Բելառուսի օրինակով զանգվածային բողոքի ցույցերից, որտեղ դրանք շարունակվում են արդեն մի քանի ամիս, չնայած Մոսկվայի աջակցությունը վայելող Լուկաշենկոն փորձում է կոշտ կերպով դրանք ճնշել։ Կրեմլում կարծում են, որ հօգուտ Նավալնիի շարժումն արագ կապակողմնորոշվի, եթե դրա առաջնորդը հայտնվի ճաղերի հետևում։
