27.08.2026 | 19:13
ԵՄ-ում առաջարկում են ՌԴ-ի 200 մլրդ եվրոյի սառեցված ակտիվներն Ուկրանիայի համար օգտագործելու նոր տարբերակներ գտնելու համար
Ռուսաստանը կորոնավիրուսի դեմ պատվաստանյութ կմատակարարի Հունգարիային
Քաղաքականություն
22.01.2021 | 15:27
Ռուսաստանի առղջապահության նախարար Միխայիլ Մուրաշկոն Հունգարիայի արտգործնախարար ու արտաքին առևտրի նախարար Պետեր Սիյարտոյի հետ քննարկել է ռուսական «Արբանյակ V» պատվաստանյութը Հունգարիա մատակարարելու հարցը։
Այս մասին, ՏԱՍՍ-ի փոխանցմամբ՝ հայտնել են ՌԴ առողջապահության նախարարության մամուլի ծառայությունից։
«Կողմերը քննարկել են միջկառավարական հանձնաժողովի 13-րդ նիստին ձեռք բերված պայմանավորվածությունների կատարման ընթացքը, որը տեղի է ունեցել 2020 թ. նոյեմբերի 27-ին Բուդապեշտում: Քննարկման հիմնական հարցը եղել է առողջապահության ոլորտում համագործակցությունը և, մասնավորապես, «Սպուտնիկ V» ռուսական պատվաստանյութը Հունգարիային մատակարարելու հարցը»,- ասված է հաղորդագրության մեջ:
Հանդիպման ընթացքում Մուրաշկոն նշել է, որ Ռուսաստանի ներդրումների ֆոնդը և հունգարական կողմը պայմանագիր են կնքել Հունգարիային պատվաստանյութ մատակարարելու մասին:
Տաթև Ֆռանգյան
