28.04.2026 | 18:19
Մուստաֆաևն ու Գալուզինը Բաքվի և Մոսկվայի միջև հարաբերություններն են քննարկել
Պակիստանը կրակ է բացել Հնդկաստանի դիրքերի ուղղությամբ․ կա զոհ
Քաղաքականություն
22.01.2021 | 10:48
Հնդկաստանի Զինված ուժերի զինծառայողը զոհվել է վերահսկման գծի Քաշմիրի հատվածում՝ Պակիստանի կողմից բացված կրակի հետևանքով։ Այս մասին հայտնում է Daily Pioneer-ը՝ հղում կատարելով Հնդկաստանի ՊՆ-ին։
Համաձայն տեղեկությունների՝ Պակիստանի բանակը կրակ է բացել Ջամմու ու Քաշմիր դաշնակցային շրջաններում։ Նշվում է, որ հնդկական կողմից կրակ բացելու համար սադրանքներ չեն եղել։
«Կրակոցների հետևանքով մահացու վիրավորվել է Հնդկաստանի ԶՈւ մեկ զինվոր»,- նշված է Հնդկաստանի ՊՆ հայտարարության մեջ։ Հնդկական կողմը պատասխան կրակ է բացել պակիստանյան դիրքերի ուղղությամբ։
Հավելենք, որ Քաշմիրը վեճի առարկա է դարձել Հնդկաստանի ու Պակիստանի միջև 1947 թվականից, երբ Բրիտանական Հնդկաստանը, ստանալով անկախություն, ըստ կրոնական պատկանելության՝ բաժանվել է երկու պետության։ Այս պահին տարածաշրջանում չկա պետական սահման, նրանց տարածքները բաժանված են միայն վերահսկման գծով։
Հնդկաստանի ու Պակիստանի հարաբերությունները սրվեցին, երբ 2019 թվականի օգոստոսի 5-ին Նյու Դելին հայտարարեց Ջամմու ու Քաշմիր նահանգները երկու դաշնակցային տարածք (վարչական միավորներ, որոնք ավելի քիչ իրավունքներ ունեն, քան նահանգը) դարձնելու մասին:
Տաթև Ֆռանգյան
