17.09.2026 | 17:45
«Փաթթած ունեմ ձեզ էլ, 1-02-ն էլ»․ ըստ քաղաքացու՝ ոստիկաններն իրեն խոշտանգել են, կնոջը՝ կոպտել․ ՏԵՍԱՆՅՈՒԹ
Բայդենը չեղարկել է Թրամփի մի շարք որոշումներ
Քաղաքականություն
21.01.2021 | 10:47
Երդմնակալությունից ժամեր անց ԱՄՆ նախագահ Ջո Բայդենը չեղյալ է հայտարարել Դոնալդ Թրամփի քաղաքական որոշ որոշումներ, գրում է BBC-ն։
«Վատնելու ժամանակ չունենք, պետք է զբաղվենք ճգնաժամով, որի հետ առերեսվել ենք»,- գրել է Բայդենը թվիթերի իր միկրոբլոգում՝ Սպիտակ տան ղեկավարումը ստանձնելուց հետո։
Նախագահ Բայդենը, ընդհանուր առմամբ, ստորագրել է 15 իրավական հրաման։
Նրա մյուս որոշումների համաձայն՝ չեղարկվել են կլիմայի փոփոխության ու ներգաղթյալների վերաբերյալ Թրամփի վարչակազմի որոշումները։
Նա նաև հավանության է արժանացրել Առողջապահության համաշխարհային կազմակերպություն ԱՄՆ վերադարձին։ Կազմակերպությունից Միացյալ Նահանգների դուրս գալու գործընթացն անցած տարի սկսել էր Թրամփը՝ մեղադրելով կազմակերպությանը համաճարակի մասշտաբները հօգուտ Չինաստանի թաքցնելու մեջ։
Բայդենը ԱՄՆ-ին է վերադարձրել նաև «Կլիմայի փոփոխության վերաբերյալ» փարիզյան համաձայնագիրը, որից դուրս գալու վերաբերյալ որոշում էր կայացրել իր նախորդը։ Այդ պայմանագիրը ենթադրում է մթնոլորտ ածխածնի արտանետումների կրճատում։ Նոր նախագահը նաև կանգնեցրել է Մեքսիկայի հետ սահմանին պատի կառուցումն ու չեղարկել է սահմանամերձ շրջաններում հայտարարված արտակարգ իրավիճակը։
Տաթև Ֆռանգյան
