17.09.2026 | 14:49
Տեղեկություն Կիպրոս – Հայաստան հանդիպման տոմսերի վերաբերյալ
Հրաժեշտը կարճ էր․ Դոնալդ Թրամփը լքել է Սպիտակ տունը․ ՏԵՍԱՆՅՈՒԹ
Քաղաքականություն
20.01.2021 | 17:31
Հրաժեշտը կարճ էր՝ ԱՄՆ հեռացող 45-րդ նախագահը, լքելով Սպիտակ տունը, դիմել է ժողովրդին:
«Ահա ես կանգնած եմ ձեր դիմաց ու հպարտանում եմ այն ամենով, ինչին մենք հասել ենք միասին։ Մենք արել ենք ամեն բան, հանուն ինչի եկել ենք Սպիտակ տուն։ Ամենը և անգամ ավելին։ Նոր վարչակազմի երդմնակալության արարողությունը տեղի կունենա այս շաբաթ։ Մենք հուսով ենք, որ այն հաջողություն կունենա, որպեսզի Ամերիկան հետագայում ևս մնա ծաղկող երկիր, որտեղ մարդիկ հանգիստ ապրում են։ Մենք նոր իշխանությանն ամենաբարին ենք մաղթում և գլխավորը՝ մենք նրանց հաջողություն ենք մաղթում։ Հաջողությունը կարևոր, գլխավոր բառն է այս դեպքում։
Ես պայքարել եմ ձեզ համար։ Ես կռվել եմ ձեր ընտանիքների համար։ Ես մարտնչել եմ մեր երկրի բարեկեցության համար։ Այո՛, ես պայքարի եմ դուրս եկել հանուն Ամերիկայի ու այն արժեքների, որոնք այն մարմնավորում է։ Սա ուժեղ, հպարտ ու ազատ մարդկանց երկիր է։ Ես պատրաստվում եմ իշխանությունը հանձնել նոր վարչակազմին չորեքշաբթի կեսօրին։ Սակայն այն շարժումը, որը մենք սկսել են, որը մենք հիմնել ենք, այստեղ միայն սկսվում է»,- հայտարարել է Թրամփը։
Մեկնաբանները ուշադրություն են դարձրել, որ Թրամփը չի արտաբերել ԱՄՆ 46-րդ նախագահի անունը, ինչպես նաև չի անդրադարձել իրեն երկրորդ անգամ իմփիչմենթի ենթարկելու վերաբերյալ դատական գործընթացին, գրում է Euronews-ի ռուսական ծառայությունը։
Մանրամասները ՝ տեսանյութում:
Տաթև Ֆռանգյան
