28.04.2026 | 17:08
ԱՄՆ դեսպանությունը ողջունել է Կարս-Գյումրի երկաթգծի վերագործարկման ուղղությամբ Հայաստանի և Թուրքիայի քայլը
ՌԴ-ն ռազմական ոստիկանություն է մտցրել Սիրիայի՝ Թուրքիայի ԶՈւ թիրախի տակ հայտնված շրջաններ․ Al-Masdar News
Քաղաքականություն
20.01.2021 | 17:12
Թուրքիայի Զինված ուժերի ու դրա դաշնակիցների կողմից գրոհներից հետո ՌԴ ռազմական ոստիկանությունը հավելյալ ուժեր է ուղարկել Սիրիայի Ալ-Հասաքա շրջան։ Համաձայն տեղի զինվորական աղբյուրի՝ ՌԴ զորքերը տեղակայվել են Թալ Թամր շրջանի առաջնագծում և նրանց առջև խնդիր է դրվել վերահսկել հրադադարի պահպանման ռեժիմն Ալ-Հասաքա շրջանում, գրում է Al-Masdar News-ը։
Համաձայն լրատվականի աղբյուրի՝ ՌԴ ռազմական ոստիկանությունը մտել է Թալ Թամրի տարածք զրահամեքենաներով և տեղակայվել է այն տարածքներում, որոնք վերահսկվում են Սիրիայի արաբական բանակի ու Սիրիայի դեմոկրատական ուժերի կողմից։
Թուրքիայի Զինված ուժերն ու նրա դաշնակիցները այս տարի գրեթե ամեն օր թիրախավորել են Թայ Թամրը, ինչն էլ ստիպել է ՌԴ ռազմական ոստիկանությանը ավելի մեծ թվով զորքեր տեղակայել այս տարածքում՝ ճնշելու ռազմական գործողությունները։
Հոդվածում նշվում է, թե պարզ չէ՝ արդյոք մոտ ապագայում Թուրքիայի ԶՈւ-ն կձեռնարկի որևէ հարձակում արևելյան Ալ-Հասաքայում, սակայն եթե նրանք ընտրեն այդ ճանապարհը, ստիպված կլինեն առերեսվել ՌԴ ռազմական ոստիկանության հետ, որոնք արմատապես տեղավորված են այդտեղ։
Տաթև Ֆռանգյան
