17.12.2025 | 18:36
«Պետությունը պետք է լինի գերագույն արժեք». ինչո՞ւ են փոխվել պատմության դասագրքերի շեշտադրումները
Մակրոնը կոչ է արել Բայդենին միանալ իսլամիստ ծայրահեղականների դեմ պայքարին
Քաղաքականություն
20.01.2021 | 14:30
Ֆրանսիայի նախագահ Էմանուել Մակրոնը հույս է հայտնել, որ ԱՄՆ նորընտիր նախագահ Ջո Բայդենը ավելի մեծ ռազմական պարտավորություն կստանձնի՝ պայքարելու ընդդեմ իսլամիստ ծայրահեղականների` մի քանի պատերազմական թատերաբեմերում և հատկապես Միջին Ասիայում, դրում է Fox news-ը։
Մակրոնը շեշտել է, որ Ֆրանսիան ջանքեր է ներդնում տարածաշրջանում իսլամիստական խմբերի դեմ պայքարելու համար։ Շուրջ 900 ֆրանսիացի զինվորական է այժմ մասնակցում ԱՄՆ կողմից ղեկավարվող միջազգային կոալիցիան։ Նա ավելացրել է, որ Շառլ դե Գոլ ավիակիր նավը կմիանա օպերացիային եկող ամիսների ընթացքում։
Նա նաև կոչ է արել Միացյալ Նահանգներին ավելի շատ ներգրավվել բազմակողմանի պաշտպանական համագործակցություններին։
Հավելենք, որ Բայդենը, որի երդմնակալությունը տեղի կունենա այսօր, խոստացել է վերականգնել ԱՄՆ դաշնակիցների ու ՆԱՏՕ-ի շրջանակներում դաշնակիցների հետ հարաբերությունները։ Թրամփի վարչակազմի օրոք Աֆղանստանում ԱՄՆ զորքերի թիվը նվազել է՝ հասնելով շուրջ 2500-ի, Իրաքում ևս ամերիկյան զորքերի թիվը կրճատվել է վերջին ամիսների ընթացքում։
Տաթև Ֆռանգյան
