17.09.2026 | 15:40
«Չելսիի» ղեկավարը վաճառել է ակումբում իր մասնաբաժինը
Դիմանյարդի կաթված կորոնավիրուսի դեմ պատվաստվելուց հետո․ իսրայելցի բժիշկները չգիտեն պատճառը
Քաղաքականություն
20.01.2021 | 14:15
Pfizer ընկերության կողմից մշակված պատվաստանյութով պատվաստվելուց հետո դիմանյարդի կաթվածի բարդությունները հազվադեպ են, մեծ մասի մոտ այն անցնում է, սակայն դրա պատճառներն անհայտ են։ Այս մասին ասել է իսրայելցի բժիշկ Լեոնիդ Էյդելմանը, գրում է ՌԻԱ Նովոստին։
Ավելի վաղ ԶԼՄ-ները հայտնել էին, որ 13 իսրայելցու մոտ դիմանյարդի կաթված է գրանցվել Pfizer ընկերության պատվաստանյութի առաջին չափաբաժինը ստանալուց հետո։
«Սա շատ հազվադեպ բարդություն է: Դրա պատճառը չգիտենք, ինչու է այն զարգանում, պարզ չէ: Պարզ չէ նաև, թե ինչու է կաթվածը զարգանում պատվաստումից հետո», – ասել է Էյդելմանը:
Բժիշկը նշել է, որ մարդկանց մեծամասնության մոտ այս բարդությունը արագ վերանում է, ոմանց մոտ այն մնում է ավելի երկար:
«Ճնշող մեծամասնության մոտ այն բավականին արագ անցնում է։ Բայց, հնարավոր է, ծայրահեղ հազվադեպ դեպքեր լինեն, երբ այն ինչ-որ չափով մնա. կլինեն բարելավումներ, բայց ամբողջությամբ չի վերանա», – ավելացրել է բժիշկը։
Տաթև Ֆռանգյան
