08.11.2024 | 13:07
Դժգոհության մեծ ալիք քաղաքացիների մոտ չեմ նկատել. ՔՊ անդամ․ ՏԵՍԱՆՅՈՒԹ
Թրամփը ներում է շնորհել 73 մարդու․ Ջուլիան Ասանժն ու Էդվարդ Սնոուդենն այդ ցուցակում չեն
Քաղաքականություն
20.01.2021 | 12:32
ԱՄՆ հեռացող նախագահ Դոնալդ Թրամփը ներում է շնորհել իր նախկին խորհրդական Սթիվ Բաննոնին, որին խարդախություն կատարելու մեղադրանք էր սպառնում։ Այս մասին տեղեկությունը հայտնվեց նորընտիր նախագահ Ջո Բայդենի երդմնակալությունից ընդամենը մի քանի ժամ առաջ, գրում է BBC-ն։
Դոնալդ Թրամփը, իր պաշտոնավարման վերջին ժամերին ներում է շնորհել նաև 140 այլ մարդկանց։ Ներում է շնորհվել ռեփ կատարող Լիլ Ուայնեին, իսկ մեկ այլ ռեփ կատարող Կոդակ Բլաքի ու Դեթրոիդի նախկին քաղաքապետ Քվամ Քիլպատրիկի համար փոխվել է պատժաչափը։
«Ընդհանուր առմամբ՝ 73 մարդու ներում է շնորհվել, ևս 70 մարդու համար պատիժը փոխվել է»,- ասվում է Սպիտակ տան տարածած հայտարարության մեջ:
Հավելենք, որ անձամբ Թրամփին, ինչպես նաև նրա ընտանիքի անդամների ներում չի շնորհվել։ Ավելի վաղ ԶԼՄ-ները չէին բացառում, որ Թրամփը կարող էր գնալ նման կանխարգելիչ քայլի, սակայն ավելի ուշ տեղեկություններ հայտնվեցին, որ նրան այդ մտքից հետ կանգնելու հարցում համոզել են նրա փաստաբանները։
Ցուցակում չկա նաև Ազգային անվտանգության ծառայության նախկին աշխատակից Էդվարդ Սնոուդենն ու WikiLeaks -ի հիմնադիր Ջուլիան Ասանժը։
Տաթև Ֆռանգյան
