30.06.2026 | 19:43
Ադրբեջանում 16-ից փոքր տարիքի օգտատերերին կարգելվի գրանցվել սոցիալական ցանցերում
Ավելի շատ ադրբեջանցիներից էինք վախենում, քան հայերից․ վարձկանը պատմել է սպանված սիրիացիների մասին
Քաղաքականություն
19.01.2021 | 18:27
Ադրբեջանում մարտնչած «Համզա» խմբավորման անդամներից մեկը պատմել է ԼՂ պատերազմին իրենց մասնակցության մասին։ Վերջինս մասնավորապես պատմել է, որ Թուրքիան խաբել է իրենց, թե ինչու են նրանք մեկնում Ադրբեջան, որ թուրք զինվորներ չեն եղել իրենց հետ և որ իրենք ավելի շատ վախեցել են ադրբեջանցի զինվորներից, որոնք իրենց շատ վատ են վերաբերվել։ Այս մասին թվիթերի իր էջում գրել է ամերիկացի լրագրող Լինդսի Սնելը, որը բազում տեղեկություններ է հայտնել Արցախյան պատերազմում վարձկանների մասնակցության մասին։ Վերջինս հրապարակել է նաև ձայնագրությունը։
One of the Hamza Division mercenaries who was in Azerbaijan said Turkey lied to them about why they were going, Turkish soldiers weren’t with them, and they were more afraid of the Azerbaijani soldiers, who treated them very badly, than they were of the Armenian soldiers. pic.twitter.com/LWrsKOczeN
— Lindsey Snell (@LindseySnell) January 18, 2021
Վարձկանը մասնավորապես պատմում է․
«Երբ մենք հասանք Ադրբեջան, նրանք մեզ ասացին, որ հայերն անհավատներ են, և որ մենք պետք է պաշտպանենք ազերիներին։ Բայց մենք նման պայմանավորվածություն չենք ունեցել։ Նրանք մեզ ասել են, որ Ղարաբաղն օկուպացված է հայերի կողմից՝ իսլամի թշնամիների կողմից, և մենք պետք է պաշտպանենք Ղարաբաղում մահմեդականներին։ Թուրքերը մեզ հետ չէին, նրանք մեզ միայն ոգեշնչում էին, մեզ հետ էին ադրբեջանցիներ, որոնք մեզ շատ վատ էին վերաբերվում։ Երբ նրանք մեզ իրենց հետ տանում էին մարտերի, ավելի շատ նրանցից էինք վախենում, քան հայերից։ Քանի որ ես տեսել եմ, թե ինչպես են մարդիկ սպանվում Ղարաբաղում, ոչ մեկ անգամ։ Ես տեսնում էի սպանված սիրիացիների»,- պատմել է սիրիացի վարձկանը։
