09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Թուրքիայում հրամայել են ձերբակալել 238 մարդու՝ 2016 թվականի հեղաշրջման փորձին մասնակցելու համար
Քաղաքականություն
19.01.2021 | 19:17
Թուրքիայում հրամայել են ձերբակալել 238 մարդու, որոնք կասկածվում են 2016 թվականին ձախողված ռազմական հեղաշրջման հետևում կանգնած Ֆեթուլլահ Գյուլենի հետ կապ ունենալու համար, հայտնում է Reuters-ը՝ հղում կատարելով թուրքական իշխանական մամուլին։
Իզմիրի դառախազության կարգադրությամբ ձերբակալվել է 160 մարդ։ Տեղեկացվում է, որ կասկածյալները նաև հետապնդվում են հյուսիսային Կիպրոսում, որտեղ տեղակայված են թուրքական զորքերը։
Կասկածյալների թվում են 218 զինծառայողներ, այդ թվում ՝ վեց գնդապետ, երեք փոխգնդապետ և ինը մայոր։
60 նահանգ ընդգրկող այս օպերացիան ԱՄՆ-ում բնակվող հոգևորական Ֆեթուլլահ Գյուլենի ցանցի դեմ չորս տարի տևած բռնաճնշումների մի մասն է: Գյուլենը, սակայն, հերքում է իր մասնակցությունը 2016 թվականի հուլիսյան հեղաշրջման փորձին, որի ընթացքում սպանվեց ավելի քան 250 մարդ:
Հեղաշրջման փորձից հետո շուրջ 80,000 մարդու հանդեպ դատական գործեր են հարուցվել, շուրջ 150,000 քաղաքացիական ծառայողներ հեռացվել են աշխատանքից, ավելի քան 20,000 զինվորական հեռացվել է թուրքական զինուժից:
Տաթև Ֆռանգյան
