01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Իրանը շահագրգիռ է, որ հայկական բանակը արագ վերականգնվի․ Ոսկանյան
Քաղաքականություն
19.01.2021 | 14:00
Պատերազմից հետո Իրանը շահագրգիռ է, որ հայկական բանակը վերականգնվի։ Այս մասին այսօրվա ասուլիսի ժամանակ ասաց իրանագետ Վարդան Ոսկանյանը։
Նա բացատրեց, որ երբ հայկական բանակը ապահովում է հայկական սահմանների անվտանգությունը, դրանով իսկ օգնում է Իրանի հյուսիսային նահանգներում անվտանգության հաստատմանը։
Ըստ իրանագետի, Իրանի Իսլամական Հանրապետությունը շահագրգռված է նաև Հայաստանի զինված ուժերի վերազինման հարցում, քանի որ հայկական բանակի կարողությունների ավելացման հետ այն կարողանում է զսպել թուրքական և ադրբեջանական ուժերի մի մասին, և դրանք չեն ուղղվում հենց Իրանի դեմ։
Ինչ վերաբերում է Թուրքիային ու Ադրբեջանին, ապա, ըստ իրանագետի, միամտություն կլիներ կարծել, թե Իրանը չի աշխատում այս պետությունների հետ։ Ոսկանյանի խոսքով՝ այս պետությունների հետ Իրանի խնդիրները ժամանակ առ ժամանակ սառեցվում են՝ ժամանակավոր դաշինքների ստեղծման փուլում, ինչպես եղել է Սիրիայում։
