17.05.2026 | 15:20
Քարոզարշավի 10-րդ օրն ունենք 1 զոհ, 10 ձերբակալված, բազմաթիվ քրեական գործեր․ Ագնեսա Խամոյան․ ՏԵՍԱՆՅՈւԹ
Իրանի ներքին դաշտում Արցախի խնդիրը է՛լ ավելի է կարևորվել․ Ոսկանյան
Քաղաքականություն
19.01.2021 | 13:52
Տարածաշրջանային խնդիրների համատեքստում Իրանի համար նախկինում ավելի կարևոր էին համարվում Սիրիայի, Իրաքի գործընթացները։ Իսկ Արցախյան երկրորդ պատերազմից հետո Իրանի ներքին քաղաքական դաշտում կարևորություն է ստացել նաև արցախյան հիմնախնդիրը։ Այս մասին այսօրվա ասուլիսի ժամանակ ասաց իրանագետ Վարդան Ոսկանյանը։
Փորձագետը բացատրեց, որ նախևառաջ դա կապված է Ադրբեջանի կողմից Իրան-Արցախ սահմանի բռնազավթման և այդ հատվածում ահաբեկիչների տեղակայման հետ։
Ըստ Ոսկանյանի՝ իրանցիները երկար տարիներ պայքարել են, որ թույլ չտան ահաբեկիչներին մոտենալ Իրանի սահմաններին, իսկ հիմա փաստացի ադրբեջանական վերահսկողության տակ անցած հատվածում նրանք հենց Իրանի սահմանին են հայտնվել։
Տարածաշրջանում էլ, ըստ իրանագետի, փաստացի նոր իրավիճակ է ստեղծվել, մասնավորապես թուրքական և ադրբեջանական առանձին պետությունները միավորվել են, և Իրանի համար հյուսիսում երկու ելք կա՝ միասնական Թուրքիա-Ադրբեջան կամ Հայաստան։ Այս պայմաններում էլ իրանցիների համար նույնպես շատ կարևորվում է Սյունիքի գործոնը։
Ըստ Ոսկանյանի՝ Հայաստան-Իրան սահմանը կենսական նշանակություն ունի Իրանի համար, ու հարևան պետությունը արդեն ակնարկներ է անում՝ այդ տարածաշրջանի զարգացմանը օժանդակելու վերաբերյալ։
