01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Տիխանովսկայան դիմել է միջազգային կառույցներին՝ օգնելու վերադառնալ Բելառուս
Քաղաքականություն
19.01.2021 | 15:30
Բելառուսի ընդդիմադիր առաջնորդ, երկրի նախագահի նախկին թեկնածու Սվետլանա Տիխանովսկայան հայտարարել է, որ նա միջազգային հանրության և առաջին հերթին ԵԱՀԿ օգնության կարիքն ունի հանրապետություն անվտանգ վերադառնելու համար, գրում է «ՌԻԱ Նովոստին»։
«Միջազգային հանրության հետ մեկտեղ ես կցանկանայի անվտանգ Բելառուս վերադառնալու հնարավորություն գտնել։ Քանի որ իմ հանդեպ երկու քրեական գործ է հարուցվել՝ միջպետական հետախուզմամբ, դա պետք է լինի իմ վերադարձի հատուկ երաշխիքը»,- հայտարարել է Տիխանովսկայան երկուշաբթի օրը ԵՄ ու ԵԱՀԿ դեսպանների հետ գրանցված օնլայն հանդիպման ժամանակ։
Ընտրություններից հետո Լիտվա մեկնած Տիխանովսկայայի նախաձեռնությամբ՝ Բելառուսում ստեղծվել է իշխանությունը փոխանցող կոորդինացնող խորհուրդ։ Տիխանովսկայան ու կոորդինացնող խորհրդի անդամները հանրապետությունում քրեական գործերի մեջ ներգրավված անձինք են։ Տիխանովսկայայի հանդեպ միջպետական հետախուզում է հայտարարվել Բելառուսում ու Ռուսաստանում։
Տաթև Ֆռանգյան
