16.12.2025 | 21:58
Ադրբեջանն ու Թուրքիան միմյանց ռազմական օգնություն կցուցաբերեն ագրեսիայի դեպքում
Ղրղզստանը հրաժարվել է Pfizer ընկերության անվճար պատվաստանյութից
Քաղաքականություն
19.01.2021 | 16:06
Ղրղզստանը հրաժարվել է Pfizer ընկերության պատվաստանյութից դրա պահպանման համար անհրաժեշտ սառնարանների բացակայության պատճառով, հայտնել է հանրապետության առողջապահության նախարար Ալիմկադիր Բեյշենալիևը, գրում է ՌԻԱ Նովոստին։
«Մեզ առաջարկել են ամերիկյան Pfizer պատվաստանյութը։ Սակայն պատվաստանյութը պետք է պահել -70 աստիճանում։ Մեզ ցանկանում էին ավելի քան 1 միլիոն պատվաստանյութ տալ անվճար։ Դրանք բերելու, պահելու ու պատվաստելու համար մեզ անհրաժեշտ են սառնարաններ։ Սակայն մենք այդպիսի սառնարաններ չունենք»,- հայտարարել է նախարարը «Առաջին ռադիոյին» տված հարցազրույցում։
Նախարարի խոսքով՝ նման ջերմաստիճան ապահովող մեկ սառնարանն արժի շուրջ 4000 դոլար:
«Pfizer պատվաստանյութը պահելու համար մեզ անհրաժեշտ է ևս 2 միլիոն դոլար: Ավաղ, բյուջեում այդպիսի գումար չկա», – ասել է նա:
Ինչպես ընդգծել է Բեյշենալիևը, Ղրղզստանը ներկայումս բանակցություններ է վարում Ռուսաստանի կառավարության հետ՝ հանրապետություն ռուսական պատվաստանյութ մատակարարելու շուրջ. այն պահվում է -2-ից -18 աստիճանում:
Տաթև Ֆռանգյան
