01.11.2026 | 19:20
Արագածոտնի թեմը դատապարտել է Գառնահովիտի եկեղեցում կարգալույծ նախկին հոգևորականի կողմից Պատարագ մատուցելը
«Ինձ համար չէ, ձեզ ու ձեր ապագայի համար դուրս եկեք». Նավալնին կոչ է անում մարդկանց դուրս գալ փողոց. ՏԵՍԱՆՅՈՒԹ
Քաղաքականություն
19.01.2021 | 14:16
Ռուս ընդդիմադիր առաջնորդ Ալեքսեյ Նավալնին երկուշաբթի օրը կոչ է արել մարդկանց դուրս գալ փողոց՝ իր ձերբակալությունից հետո բողոքի ցույցեր իրականացնելու, գրում է Euronews-ը։
YouTube-ում հրապարակված տեսանյութում Նավալնին ասում է. «Ինչից են ամենից շատ վախենում այդ բունկերային գողերը։ Դուք շատ լավ գիտեք․ մարդկանց փողոց դուրս գալուց։ Ահա թե ինչու դուք չպետք է վախենաք փողոց դուրս գալուց։ Ինձ համար մի դուրս եկեք, ձեզ ու ձեր ապագայի համար դուրս եկեք»։
Նավալնին նման հայտարարությամբ է հանդես եկել այն բանից հետո, երբ 30 օրով ձերբակալվել է՝ ոստիկանական տեղամասերից մեկում մի քանի ժամ տևած դատական նիստից հետո: Նավալնիի թիմակիցները պնդում են, որ մինչ դատական նիստը, նրա փաստաբաններին թույլ չեն տվել տեսակցել իրեն:
Ակտիվիստների խոսքով՝ Նավալնիի կողմնակից առնվազն 13 ցուցարար ձերբակալվել է երկուշաբթի օրը Մոսկվայում, ևս 55 ցուցարար ոստիկանության կողմից բերման է ենթարկվել Սանկտ Պետերբուրգում՝ Ռուսաստանի մեծությամբ երկրորդ քաղաքում:
