11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Covid-19 բրիտանական շտամը կարող է գերիշխել Ռուսաստանում մինչ մարտ ամիսը
Քաղաքականություն
19.01.2021 | 15:15
Covid-19 բրիտանական շտամը մինչ մարտ ամիս բոլոր շանսերն ունի դառնալու Ռուսաստանում ամենաշատ տարածված կորոնավիրուսի շտամը։ Այս մասին հայտնել է Ջորջ Մեյսոնի անվան համակարգային կենսաբանության դպրոցի պրոֆեսոր Անչ Բարանովը, հայտնում է EurAsia Daily-ն։
« Covid-19-ի բրիտանական շտամը 56%-ով ավելի արդյունավետ է վարակման առումով, քան այն շտամը, որը հայտնաբերվել էր ավելի վաղ։ ԱՄՆ-ում այժմ արդեն հայտնաբերվել է բրիտանական շտամի բազմաթիվ դեպքեր։ CDC ամերիկյան կենտրոնը կանխատեսել է, որ ԱՄՆ-ում մինչ մարտ ամիսը հենց այս շտամը կդառնա հիմնական։ Կարծում եմ, որ Ռուսաստանի համար ևս կարելի է նման կանխատեսում տալ»,- ասել է Բարանովան։
Կենսաբանի խոսքով՝ բրիտանական շտամի պարագայում այն շփումները, որոնք հարատևության առումով նախկինում պայմանականորեն անվտանգ են համարվել, այժմ կարող են հանգեցնել վարակման։
Տաթև Ֆռանգյան
