11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Թրամփը չեղարկել է Եվրոպայից ԱՄՆ մուտքի արգելքը․ Բայդենը համաձայն չէ փոփոխությունների հետ
Քաղաքականություն
19.01.2021 | 12:34
ԱՄՆ գործող նախագահ Դոնալդ Թրամփը հունվարի 18-ին հրաման է ստորագրել, որը չեղարկում է երկիր մուտքի արգելքը շենգենյան գոտու երկրներից, Մեծ Բրիտանիայից, Իռլանդիայից ու Բրազիլիայից։ ԱՄՆ մուտք գործողները պետք է ներկայացնեն COVID-19-ի բացասական թեստ։ Համաձայն հրամանի՝ նոր կանոնները պետք է ուժի մեջ մտնեն հունվարի 26-ից, գրում է DW-ի ռուսական ծառայությունը։
Միևնույն ժամանակ ԱՄՆ նորընտիր նախագահ Ջո Բայդենի մամուլի քարտուղար Ջեն Փսակին հայտարարել է, որ իրենց վարչակազմը մտադիր չէ հանել սահմանափակումները հունվարի 26-ին։
«Ընդհակառակը, նախատեսվում է ուժեղացնել միջազգային ուղևորությունների վերաբերյալ միջոցառումները `COVID-19- ի տարածումը զսպելու համար», – ասել է Փսակին:
Հիշեցնենք՝ Ջո Բայդենի երդմնակալության արարողությունը տեղի կունենա հունվարի 20-ին: Շենգենյան գոտուց, Մեծ Բրիտանիայից, Իռլանդիայից, Բրազիլիայից, Չինաստանից և Իրանից Միացյալ Նահանգներ մուտքի արգելքը մտցվել էր 2020-ի մարտին ՝ համաճարակաբանական իրավիճակի արագ վատթարացման պատճառով:
Տաթև Ֆռանգյան
