27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Իրաքի քաղաքներից մեկը ենթարկվել է ավիահարվածների
Քաղաքականություն
19.01.2021 | 11:36
Իրաքի կենտրոնական Բաբիլ նահանգի հյուսիսում գտնվող Ջուրֆ-էն-Նասր քաղաքը ենթարկվել է ավիահարվածների։ Այս մասին այսօր հայտնել է լիբանանյան Al Mayadeen հեռուստաալիքը, փոխանցում է ՏԱՍՍ-ը։
Ըստ տեղեկությունների՝ ավիահարվածների ենթարկված տարածքը եղել է Իրաքի Զինված ուժերի վերահսկողության տակ։ Հեռուստաալիքի աղբյուրները նաև նշել են, որ ԱՄՆ Զինված ուժերի ինքնաթիռները նկատվել են Սիրիայի հետ սահմանակից Էլ-Կաիմ քաղաքի երկնքում։ Միևնույն ժամանակ Fox News հեռուստաալիքի լրագրող Ջենիֆեր Գրիֆինը , հղում կատարելով Պենտագոնում բարձրաստիճան պաշտոնյայի, հայտնել է որ ԱՄՆ Զինված ուժերն այս գիշեր ավիահարված չի հասցրել Իրաքի կենտրոնական շրջաններին։
Իր հերթին Al Arabiya հեռուստաալիքը տեղեկացրել է, որ 3 պայթյուն է որոտացել իրանամետ «Կաթաիբ Հեզբոլլահ» խմբավորման դիրքերին։ Հեռուստաալիքի տեղեկությունների համաձայն՝ իրաքյան բանակի զինվորականները չեն տուժել։
Տաթև Ֆռանգյան
