30.06.2026 | 17:00
Թուրքիայի հետ F35-ի գործարքը կախված է ռուսական C-400-ները երրորդ երկրին վաճառելու որոշումից․ Euractiv
Ռուսաստանը հավելյալ զորք է ուղարկում Սիրիա՝ թուրքական զորքերի ակտիվ գրոհներից հետո
Քաղաքականություն
18.01.2021 | 19:39
ՌԴ Զինված ուժերի ռազմական ոստիկանությունը հավելյալ ստորաբաժանումներ է ուղարկել Սիրիայի Հասակե նահանգ՝ Սիրիայի բանակի հետ համատեղ դիտորդական դիրքերն ամրացնելու համար։ Այս մասին հունվարի 17-ին լրագրողների հետ զրույցում հայտնել է ռուս-սիրիական համատեղ դիտորդական կետի մայոր Դմիտրի Սունցովը, գրում է EurAsia Daily-ն։
Ռուս սպան պատմել է, որ իր ստորաբաժանումը ժամանել է Հասակեում համատեղ դիտորդական կետերից մեկն ու պարզաբանել է, որ մարտիկների հիմանական խնդիրն է տարածաշրջանում հակամարտության ապաէսկալացման հարցում օգնությունը։
«Մեր զինծառայողները վերահսկում են հրադադարի ռեժիմի պահպանումը, ինչպես նաև տարբեր տեսակի օգնություն են ցուցաբերում տեղի բնակչությանը», – բացատրել է նա: Դմիտրի Սունցովի խոսքով ՝ Հասակեում ՌԴ ԶՈՒ զորամիավորումը ավելանում է գրեթե 300 մարդով, առաջին ստորաբաժանումն արդեն տեղակայված է Սիրիայի հյուսիս-արևելքում, մնացածը կվերաբաշխվեն առաջիկայում: Ընդգծվում է, որ դիրքերի ուժեղացման շրջանակում ներառվել են առավել պատրաստված զինված անձնակազմերը, որոնք փորձ ունեն Սիրիայի տարածքում խնդիրներ լուծելու հարցում:
Նկատենք, որ շուրջ 300 ռուս զինվորականների ժամանումը Հասակե նահանգ տեղի է ունեցել ընդամենը մեկ օր անց այն բանից հետո, ինչ Թուրքիայի զինված ուժերն ու նրանց դաշնակիցները, այսպես կոչված, Սիրիայի ազգային բանակը հարձակումներ են սկսել առանցքային Թել-Թամր քաղաքի վրա։
Տաթև Ֆռանգյան
