28.04.2026 | 18:10
Կանադայի վարչապետը Երևան կգա՝ ԵՔՀ գագաթնաժողովին // Հրապարակվել է ընտրողների նախնական ցուցակը․ ԼՈՒՐԵՐ
Իրանում լրտեսության համար 10 տարվա ազատազրկման է դատապարտվել ամերիկացի գործարար
Քաղաքականություն
18.01.2021 | 11:55
Իրանի իշխանությունները լրտեսություն կատարելու համար մեղադրանք են ներկայացրել ամերիկացի գործարար Էմադ Շարգիին և նրան դատապարտել են 10 տարվա բանտարկության։ Այս մասին հայտնել է NBC հեռուստաալիքը՝ հղում կատարելով Շարգիի ընտանիքի բարեկամների հայտարարությանը։
Հաղորդագրության մեջ նշվում է, որ Իրանի իշխանությունների նման գործողությունները կարող են բարդացնել նախագահ Ջոզեֆ Բայդենի դիվանագիտական ջանքերի իրականացումը, որը ավելի վաղ հայտարարել էր այն մասին, որ բաց կլինի Թեհրանի հանդեպ պատժամիջոցների մեղմացմանը, եթե այդ վարչակազմը վերադառնա 2015 թվականի միջուկային համաձայնագրի պայմանների կատարմանը։
Իրանա-ամերիկյան քաղաքացիություն ունեցող 56-ամյա Շարգին, հեռուստաընկերության տվյալների համաձայն, նոյեմբերի 30-ին կանչվել է Թեհրանի դատարան, մեղադրվել լրտեսության համար ու առանց որևէ հետաքննության դտապարտվել է 10 տարվա ազատազրկման։ Այդ օրվանից նրա ընտանիքը վերջինիս մասին ոչ մի տեղեկություն չունի։
Հեռուստաընկերության տեղեկությունների համաձայն՝ Շարգին դարձել է իրանական ծագմամբ ԱՄՆ 4-րդ քաղաքացին, որը ձերբակալվել է Իրանում։
Տաթև Ֆռանգյան
