30.06.2026 | 21:50
ԱՄՆ Գերագույն դատարանը մերժել է ծննդյան իրավունքով քաղաքացիության տրամադրումը սահմանափակելու՝ Թրամփի առաջարկը
Ուկրաինան արգելել է ռուսերենով ծառայությունների մատուցումը
Քաղաքականություն
16.01.2021 | 17:18
Ուկրաինայում ուժի մեջ է մտել «Ուկրաիներենի՝ որպես պետական լեզվի գործառույթն ապահովելու մասին» օրենքի դրույթը, համաձայն որի՝ ծառայությունների ամբողջ ոլորտն անցում է կատարում ուկրաիներենի. փոխանցում է ՌԻԱ Նովոստին:
Այսպիսով, ծառայություն մատուցող բոլոր կազմակերպությունները (ոչ միայն առևտրի ոլորտում) պարտավոր են հաճախորդներին սպասարկել բացառապես պետական լեզվով և միայն նրանց անձնական պահանջով կարող են անցնել այլ լեզվի:
«Այժմ հնարավոր է պաշտոնապես բողոքել ռուսերենով մատուցված ծառայություն համար, նման խախտման դեպքում տուգանք է սպառնում»,- ասված է հաղորդագրությունում:
«Գործնականում դա նշանակում է, որ ուկրաինացի սպառողը վերջապես պետական լեզվով ծառայություն ստանալու լռելյայն իրավունք կունենա՝ սուպերմարկետում կամ առցանց խանութում, սրճարանում կամ ռեստորանում, բանկում կամ դեղատանը, բենզալցակայանում, մարզադահլիճում, գրադարանում և այլուր»,- ֆեյսբուքի իր էջում գրել է Ուկրաինայի Պետական լեզվի պաշտպանության օմբուդսմեն Տարաս Կրեմինը:
