07.06.2026 | 23:05
Ինչ է կատարվում ՔՊ-ի շտաբում․ ըստ նախնական հաշվարկների՝ Փաշինյանի կուսակցությունն առաջատարն է․ ՈՒՂԻՂ
Ռուսաստանը սկսել է Բաց երկնքի պայմանագրից դուրս գալու գործընթացը
Քաղաքականություն
15.01.2021 | 19:22
Ռուսաստանը սկսել է Բաց երկնքի պայմանագրից դուրս գալու գործընթացը։ Այս մասին ասվում է ՌԴ ԱԳՆ կայքէջում, գրում է «ՌԻԱ Նովոստին»:
Պարզաբանվում է, որ համաձայնագիրը լքելու ԱՄՆ «հորինած պատրվակը» խաթարել է պայմանագրի անդամ պետությունների շահերի հավասարակշռությունն ու խարխլել է Բաց երկնքի պայմանագրի դերակատարությունը՝ որպես վստահության ու անվտանգության հաստատման գործիքի։
«Ռուսական կողմը կոնկրետ առաջարկներ է արել, որոնք համապատասխանում են Պայմանագրի հիմնարար դրույթներին, նոր պայմաններում դրա կենսունակությունը պահպանելու համար: Ցավով ենք փաստում, որ այդ առաջարկներն ԱՄՆ-ի դաշնակիցների աջակցությունը չեն ստացել», -ասվում է հայտարարության մեջ:
Ընդգծվում է, որ Մոսկվան որոշում է կայացրել դուրս գալ պայմանագրից նոր պայմաններում դրա աշխատանքների խոչընդոտների վերացման հարցում առաջընթացի բացակայության պատճառով։
Տաթև Ֆռանգյան
