12.01.2025 | 16:47
2018 թ. հեղափոխությունից հետո ժողովրդի մղումներն իրականացնելու ճանապարհով գնալը կործանարար կլիներ մեր պետության համար. Փաշինյան
Նիկոլա Սարկոզիի դեմ նախաքննություն է սկսվել ռուսական ընկերության հետ «ազդեցության վաճառքի գործով»
Քաղաքականություն
15.01.2021 | 21:46
Ֆրանսիայի ազգային ֆինանսական դատախազությունը նախաքննություն է սկսել Ֆրանսիայի 23-րդ նախագահ Նիկոլա Սարկոզիի նկատմամբ, այսպես կոչված, «ազդեցության վաճառքի գործով»: Հետաքննությունը վերաբերում է խորհրդատվական ծառայություններին, որոնք Սարկոզին մատուցել է Ռուսաստանում, հայտնում է Yahoo new– ը։
Այս հայտարարությամբ դառախազությունը հաստատել է Mediapart հրատարակչության տեղեկությունը, համաձայն որի՝ դատախազությունը հետաքննություն է իրականացնում խորհրդատվական ծառայություններ մատուցելու պայմանագրի պատճառով, որը Սարկոզին կնքել էր «РЕСО-Գարանտիա» ռուսական ապահովագրական խմբի հետ։ Հրատարակչության տեղեկությունների համաձայն՝ պայմանագրի գումարը կազմում է 3 միլիոն եվրո։
Ֆրանսիայում նաև հետաքննում են 2007 թվականին Նիկոլա Սարկոզիի նախընտրական քարոզարշավը Մուամար Քադաֆիի վարչակազմի կողմից հովանավորվելու գործը։
Տաթև Ֆռանգյան
