15.12.2025 | 15:31
Արարատի մարզի որոշ շրջաններում 24 ժամ ջուր չի լինի
Մինչև մարտի 1-ը պետք է ներկայացվի տրանսպորտային ենթակառուցվածքների շինարարության ժամանակացույցը․ Զախարովա
Քաղաքականություն
15.01.2021 | 14:11
Լեռնային Ղարաբաղի զարգացման հարցով եռակողմ աշխատանքային խումբը՝ Հայաստանի, Ռուսաստանի ու Ադրբեջանի փոխվարչապետների ղեկավարությամբ պետք է մինչև մարտի 1-ը ներկայացնի տրանսպորտային ենթակառուցվածքների շինարարության ու վերականգնման քայլերի ժամանացույցը՝ միջազգային բեռնափոխադրումներ իրականացնելու համար։ Այս մասին այսօր հայտարարել է ՌԴ ԱԳՆ ներկայացուցիչ Մարիա Զախարովան։
«Մոսկվայում կայացած հանդիպման արդյունքում որոշում կայացվեց ստեղծել Ռուսաստանի, Ադրբեջանի և Հայաստանի փոխվարչապետների համանախագահությամբ գործող աշխատանքային խումբ: Այն պետք է իր աշխատանքն սկսի մինչև այս ամսվա վերջ: Մինչև մարտի 1-ը պետք է ներկայացնի այն միջոցառումների ժամանակացույցը, որով պետք է իրականացվեն միջազգային փոխադրումների համար նախատեսվող տրանսպորտային ենթակառուցվածքների վերականգնումը և կառուցումը»,- ասել է նա։
Զախարովայի խոսքով՝ ենթադրվում է, որ այդ աշխատանքների գլխավոր ուղղություններով կձևավորվեն փորձագիտական ենթախմբեր, հենց այդ խմբերն էլ կզբաղվեն հարցերի առարկայական լուծմամբ։
«Ոչ մի կասկած չկա, որ իրականացվող նախագծերը կլինեն ի նպաստ ինչպես հայ, այնպես էլ ադրբեջանցի ժողովուրդների և ընդհանուր առմամբ ողջ Հարավային Կովկասի։ Կպաշտպանվեն բոլոր պետությունների շահերը։ Մասնավորապես Հայաստանն Ադրբեջանի տարածքով երկաթգծային կապ կունենա Ռուսաստանի ու Իրանի հետ, իսկ տրանսպորտային հաղորդակցությունները Հայաստանի տարածքով կմիացնեն Ադրբեջանը Նախիջևանին»,- եզրափակել է Զախարովան։
Տաթև Ֆռանգյան
