30.06.2026 | 19:43
Ադրբեջանում 16-ից փոքր տարիքի օգտատերերին կարգելվի գրանցվել սոցիալական ցանցերում
Եթե Բաքուն և Երևանը ցուցադրեն անկեղծ տրամադրվածություն՝ Մոսկվան կաջակցի․ Զախարովա
Քաղաքականություն
15.01.2021 | 13:48
Ռուսաստանն ամեն կերպ ողջունում է հայ ու ադրբեջանցի հասարակական գործիչների մարդասիրական բնույթի նախաձեռնությունները։ Այս մասին այսօր կայացած բրիֆինգի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։
«Մենք ամեն կերպ կողջունենք ադրբեջանցի և հայ մտավորականության միջև ուղիղ երկխոսության հաստատումը, ինչպես նաև երկու երկրների միջև համատեղ մարդասիրական միջոցառումների անցկացումը: Մեր կարծիքով՝ այդպիսի նախաձեռնությունները նպաստում են հաշտեցման, վստահության, փոխըմբռնման մթնոլորտի ձևավորմանը, օգուտ են բերում ինչպես ադրբեջանցի, այնպես էլ հայ ժողովուրդներին, և սկզբունքորեն, Հարավային Կովկասի ողջ տարածաշրջանին, և հետևաբար, Ռուսաստանի Դաշնությունը: Ռուսական կողմը, անշուշտ, կաջակցի այդպիսի մարդասիրական գործողություններին, եթե Բաքուն և Երևանը ցուցադրեն անկեղծ տրամադրվածություն այս ուղղությամբ շարժվելու համար», – ասել է նա:
Տաթև Ֆռանգյան
